ပင်လယ်ထဲက ကလေးလေး
recappyinlaehtekaekhlaylay
ပင်လယ်ထဲမှာ ငါးဖမ်းပြီး အသက်မွေးဝမ်းကျောင်းပြုသူ 'ဟိုင်လန်' ဟာ တစ်နေ့မှာတော့ ပင်လယ်ပြင်ထဲမှာ သစ်သားဇလုံလေးနဲ့ တစ်ယောက်တည်း မျောပါလာတဲ့ (၃) နှစ်ခွဲအရွယ် ချစ်စရာ ကလေးမလေး 'ယားယား' ကို မထင်မှတ်ဘဲ တွေ့ရှိသွားခဲ့ပါတယ်။ ကလေးလေးက သူမမှာ လူကြီးတွေ မပါလာခဲ့ဘဲ ပင်လယ်ထဲက ငါးအုပ်ကြီးက သူမကို ပို့ဆောင်ပေးခဲ့တာပါဆိုပြီး အံ့ဩဖွယ် ပြောပြခဲ့ပါတယ်။
ဟိုင်လန်က ကလေးလေးကို အိမ်ဆီ ခေါ်ဆောင်လာခဲ့ရာ အဖွားဖြစ်သူကလည်း ကလေးလေးရဲ့ ဉာဏ်ရည်ထက်မြက်ပြီး ဆန်းကြယ်တဲ့ ပါရမီကို သတိပြုမိသွားတာကြောင့် ဟိုင်လန်ဟာ ထိုကလေးလေးကို မွေးစားဖို့ ဆုံးဖြတ်လိုက်ပါတော့တယ်။ ရွာသူကြီးဆီ သွားရောက်စုံစမ်းရာမှာလည်း အနီးအနားရွာတွေမှာ ဘာကလေးမှ ပျောက်ဆုံးခြင်းမရှိကြောင်း သိရှိခဲ့ရပါတယ်။
ကလေးမွေးဖွားနိုင်ခြင်းမရှိတဲ့ ဟိုင်လန်ရဲ့ ပြင်းပြတဲ့ မိခင်မေတ္တာနွေးထွေးမှုကို တွေ့မြင်ရတာကြောင့် ရွာသူကြီးက ကလေးလေးကို ဟိုင်လန်ဆီမှာ ခေတ္တစောင့်ရှောက်ခွင့်ပြုခဲ့ပြီး... လာရောက်မရှာသူမရှိရင် တရားဝင် သမီးအဖြစ် မွေးစားခွင့်ပြုလိုက်ပါတယ်။ ကလေးမလေး ယားယားကလည်း ဟိုင်လန်ကို "မေမေ" လို့ အချစ်ပိုစွာ စတင်ခေါ်ဆိုလိုက်တဲ့အခါ...