taungpawmyaehmathitsar
တောင်ပေါ်မြေမှသစ္စာ
နှစ်ပေါင်း (၄၀) တိုင်တိုင် ပျောက်ဆုံးနေခဲ့ပြီး တစ်ကမ္ဘာလုံးကို အုပ်စိုးနိုင်မယ့် အတုမရှိ "ဒဏ္ဍာရီလာ သိုင်းကျမ်း" ကြီးဟာ လောကအလယ်ကို တစ်ကျော့ပြန် ပြန်လည်ရောက်ရှိလာခဲ့ပါတယ်။ ဒီသိုင်းကျမ်းရဲ့ တစ်ဦးတည်းသော အမွေဆက်ခံသူဖြစ်တဲ့ သိုင်းပညာရှင် လူငယ်လေးကတော့ နိုင်ငံတော်အတွက် စစ်မြေပြင်မှာ တိုက်ပွဲဝင်နေခဲ့ရချိန် ဖြစ်ပါတယ်။
အဲဒီအချိန်မှာပဲ အာဏာလောဘဇော် တက်နေတဲ့ ရန်သူဆိုးတွေဟာ သိုင်းကျမ်းရဲ့ လျှို့ဝှက်ချက်တွေကို အဓမ္မရယူဖို့အတွက် အိမ်မှာကျန်ရစ်ခဲ့တဲ့ သူ့ရဲ့မိခင်နဲ့ ညီမဖြစ်သူတို့ကို ရက်ရက်စက်စက် ဖမ်းဆီးနှိပ်စက် ညှဉ်းပန်းကြပါတော့တယ်။
စစ်မြေပြင်ကနေ အောင်ပွဲနဲ့အတူ ပြန်လည်ရောက်ရှိလာတဲ့ သိုင်းပညာရှင် လူငယ်လေးဟာ သူ့ရဲ့အသက်ထက်ချစ်ရတဲ့ မိသားစုကို ကယ်တင်ဖို့နဲ့ ရန်သူတွေကို ချေမှုန်းဖို့ ဘယ်လိုမျိုး အစွမ်းပြမလဲဆိုတာ...။ "တောင်ပေါ်မြေမှသစ္စာ" ဆိုတဲ့ ဇာတ်ကားလေးထဲမှာ ရင်ခုန်စိတ်လှုပ်ရှားဖွယ် ရှုစားကြရမှာ ဖြစ်ပါတယ်။ အခက်အခဲတွေကြားက မိသားစုရဲ့ ကယ်တင်ရှင်ဖြစ်လာတဲ့ အားကိုးထိုက်တဲ့ လူငယ်လေးတစ်ဦးရဲ့ အချစ်၊ အမုန်းနဲ့ သစ္စာတရားတို့ကို စိတ်လှုပ်ရှားဖွယ် ပုံဖော်ထားတဲ့ ဇာတ်လမ်းကောင်းတစ်ပုဒ် ဖြစ်ပါတယ်။